Leikhópurinn Lotta

Aukasýning 24.ágúst

leikhusbatteri — Wed, 24 Aug 2011 14:11:37 +0000

Síðasta sýning sumarsins er í dag. Miðvikudaginn 24.ágúst kl 18:00 í Elliðarárdalnum.

Sjáumst….. Og takk fyrir sumarið.

Mjallhvít og Dvergarnir sjö

leikhusbatteri — Sun, 07 Aug 2011 10:47:40 +0000

Leikhópurinn Lotta er fimm ára!

Allt frá stofnun hefur hópurinn einsett sér að setja upp skemmtilegar fjölskyldusýningar. Við byrjuðum á Dýrunum í Hálsaskógi, fylgdum þeim eftir með Galdrakarlinum í Oz, þá var það Rauðhetta og í fyrra sýndum við Hans klaufa fyrir rúmlega 20.000 áhorfendur. Síðustu 5 ár höfum við því tekið á móti hátt í 100.000 áhorfendum og þökkum við öllum vinum okkar fyrir frábærar viðtökur. Við gætum hreinlega ekki verið hamingjusamari

Leikhópurinn Lotta ferðast með sýningar sínar út um allt land og sýnir alltaf utandyra. Í sumar eru sýningarstaðir okkar 53 talsins.

Í ár er það Mjallhvít og dvergarnir sjö.

Miðaverð 1500 kr.

Fullorðnir fá miðann á barnaverði aðeins 1500 kr.

Ekki er þörf á að panta miða, bara mæta á svæðið með teppi og ekki gleyma myndavélinni. Við erum svo svakalega myndarleg. Allavega ég.

Kv Drottningin

Gleðilegt sumar og góða skemmtun!

Diskurinn okkar er kominn.

leikhusbatteri — Tue, 12 Jul 2011 14:22:00 +0000

Geisladiskur með öllu leikritinu, söngvum og textum. Pantanir verða afgreiddar eins fjótt og auðið er. Hægt er að panta Mjallhvíti, Galdrakarlinn í Oz, Rauðhettu og Hans Klaufa með því að senda póst á leikhopurinnlotta@gmail.com. Taka þarf fram nafn, heimilsfang og kennitölu greiðanda ásamt nafn disks og fjölda.

Hvar sýnum við í Elliðarárdalnum ?

leikhusbatteri — Wed, 22 Jun 2011 16:08:14 +0000

Í Elliðarárdalnum sýnum við í “Hólmanum” sjá leiðbeiningar hér. En það er sama staðsetning og síðustu 4 ár. Við héldum í 4 ár að við værum í Indíjánagili en það var víst ekki rétt hjá okkur. En núna vitum við alla vega hvar við erum.

Sjáumst.